新景園咖喱小廚：神奇咖喱豬！？

22:25 , 0 Comments




新景園咖喱小廚Sun King Yuen Curry Restaurant
灣仔春園街20號/2574-9172
Chinese, Local
必食菜式: 咖喱豬排飯、馬拉盞炒通菜
趣事:老闆娘十年如一之外，還有一班十年都唔變樣的伙計
8 /10 plates emptied!




[Written by Carly]

不經不覺，原來已經光顧新景園已超過八年。第一次吃的時候，當年是個黃毛丫頭大學一年級在灣仔會計師樓做intern，不記得是誰說這間咖喱豬好食。不得了，一食就食到依家，在中環上班的日子，feel like super guilty food的話就會來吃新景園。十二點半後到，一定要等齊人才可就坐。

某日晚上，剛好在新景園附近跳Zumba，我與Lorling就走黎食少少野先去跳舞。
點了兩道小菜，夜晚無咩人黎，慢慢吃著。
「ehh? 你頭先有無見個侍應？！」我邊吃邊問。
「邊個侍應？」Lorling正吃著粟米斑塊。
「好似啤啤熊樣個個啊。」
「哈哈，你點解成日都覺得人地似啤啤熊？」
「唔知啊，chub chub地就似架啦。」
「嗯。無留意喎。」
「佢好似唔同徂髮型。」Lorling轉身一望。
「咦，好似係喎。」
「但係同我地平時見個個咁似樣嘅…」
未幾，就見兩個樣子極似的啤啤熊侍應走出來。
「！？」
「孖生兄弟？」我驚奇問道。
「係喎！好似樣！」
「哈哈。我次次都黎食lunch，所以無見過另外個個！嚇死人咩，我仲以為我有幻覺可以咁快轉髮型。入一入去，出返黎有好似唔同徂。」
「哈。兩個好似熊啤啤恁既侍應。」

新景園的員工全部好像吃了防腐劑，十年如一。難道哩度既咖喱豬有神奇魔法，越食越後生？！（給自己多一個藉口來吃comfort food，實情係食一餐咖喱豬，唔跑返幾粒鐘都搞唔掂）講徂好多開場白了，實情哩到既咖喱豬真係無得輸！
每一次黎食都保持一貫的水準，食到撐住肚皮超滿足恁走。好，黎介紹一下先！

                             

馬拉盞炒通菜：超有鑊氣，而且通菜好新鮮，睼得出炒出黎既顏色好翠綠！細通菜好食過大通菜，誠意推介哩碟小菜俾大家，午飯時間都可以點。
                             

蕃茄斑腩飯：淡淡的茄汁味道很港式風格，好唔好食就見人見智啦。但大大件魚柳炸得不錯，夠脆不油膩，粉漿不太厚所以每一啖食落去都係魚柳，味道不錯幾好。

                             

[Written by Gobay]

主角出場啦！
咖喱豬扒飯:
炸豬扒，一般都覺得外酥裡嫩就是好的。我一直疑惑為什麽厚切炸豬扒一直都是宣傳的璩頭，直到看過一部日本漫畫，裡面提到把厚豬扒先在高溫油裡快炸，再在低溫油裡慢炸，就能外層酥脆，裡面還能肉汁多多。厚切炸豬扒很難做，也沒有漫畫說得簡單。
              

反觀這裡的炸豬扒，很務實，它就係將大塊豬里脊肉拍鬆拍薄，直至將肉筋拍斷，再裹上脆漿(曾聽說有用淮山粉或薯粉混入脆漿中能使外皮更鬆脆，沒試過，呵呵)高溫炸幾分鐘就出鍋，薄薄熱熱脆脆的，味道非常好，甚至不需要蘸任何咖喱都可以一口氣吃完。咖喱味道也不錯，如果四川麻辣火鍋是10分辣，它也有3-4分辣度。咖喱的精華在於辣中帶甜，形成味覺平衡，這裡做得不過不失，似是偏印度的咖喱風格。米飯是香港普遍受歡迎的尖仔米，顆粒分明，乾乾的正好配濕潤咖喱，口感一流，加上粉嫩的薯仔一起食，簡直像在口中響起交響樂。雖然一個咖喱飯要價近HKD70, 但確實值得!


                   

乾炒牛河：
雖然哩度乾炒牛河出名，但算是中規中矩吧，碟上的油不算多，牛肉片也嫩。但感覺還是正斗的炒牛河比較好吃。