Tim Ho Wan 添好運：食個包，唔使咁大壓力！

01:58 , , 0 Comments


添好運點心專門店 Tim Ho Wan, the Dim-Sum Specialists

中環香港站12A鋪(IFC地庫一層)/2332 3078

Chinese, Michelin 

必食推介: 酥皮焗叉燒包、蘿蔔糕
趣事:  快快趣趣食完好走，如果唔係熱到流汗仲辛苦過做gym！

Emptyplates score : 6.5 /10 plates emptied!


[Written by Carly]
「先生，我一早就同你講左哩到唔可以自己換杯碟！」
「咁你周圍都無人，又唔夠人手，點解我唔可以自己去攞？！仲有，你無講過我地唔可以咁做。」
「我頭時已經講左…」
「無，你無講過。」
已就坐的顧客與侍應爭吵不休，Emptyplates Gang一行四人已在IFC添好運門外等到天昏地暗，只求吃一頓午飯。撞佢個鬼，IFC多人到連冷氣都feel唔到，如果唔係因為添好運的酥皮焗叉燒包，一早就去隔離間四海遊龍好過。愛投訴的香港人還是不肯放過「做好份工」的阿姐，唔該，俾我地坐入去先慢慢鬧好嗎？其實都只係想食餐飯，西裝友你又何苦阻位阿姐做野呢？
「先生，我地出邊個牌寫晒係到架。」
「咁多人我又會睇到你個牌寫咩！」

 阿姐一直與西裝友鬧交，我就一直的看著她手上拿著我們的點心紙。其實大家都只是想食個叉燒包，香港人，唔使咁大壓力嘅。



添好運的酥包叉燒包正就人人都知，平民食堂米芝蓮一星喎，你點敢話佢唔好食。講真你知佢好味，但點解好食就未必講得出。首先要做到叉燒包的價錢大眾化。不是每一個酒樓都有酥包叉燒包，要做到菠蘿皮脆內軟，叉燒醬與叉燒的比例剛好，不可以太多肥膏。其次，就是添好運有一個取勝之道，酥包叉燒包一定是即叫即焗。有很多酒樓的叉燒包送上餐桌時只是微暖，吃的時候就欠缺了剛出爐的那種新鮮，麵包何時都是一出爐的最好食。坐著一邊吃點心，汗就不停的流，點心熱哄哄的，加上冷氣似有還無，想吃飯吃得健康點的朋友，（流多尐汗好似會減到肥。哈），可以賞試大熱天時來吃添好運的點心。





值得一提的是這裡的蝦餃，雖然個人不是太喜歡吃蝦，但蝦餃的size剛剛好，不太大粒，皮薄，幾粒細蝦，一啖一隻，味道亦不錯。



還有大大個的珍珠雞，內有多種餡料，最喜歡吃到的有雞翼（係！大大隻雞翼！），雞肉同潤腸。味道不錯但略嫌糯米質素不高，吃得出很多碎米且質感不夠軟熟。



個人很喜歡吃的蘿蔔糕水準也不錯，有吃得出的白蘿蔔之外，味道還拍得住另一間自己常光顧的利苑，同樣是米芝蓮一星。

其他點心如魚茸蒸芋頭糕、豆豉蒸排骨與馬拉糕的味道均一般，中規中距。














有點失望的是這碟豬潤腸，豬潤不夠新鮮而且切得太大塊，不及上環的聚點坊好食！有機會的一定給大家介紹，聚點坊的點心水準絕不遜於添好運。
Gobay food knowledge corner食乜你要知：
點心的名字相傳在古時候有將軍打勝仗，村民自發做糕點去犒軍，表達「點點心意」而來的。